الروح تعبها البوح
الروح تعبها البوح
على حالها اهي بتنوح
من كتر الوجع بتروح
غلطانه ياروحي
ليه تشكي وتنوحي
ليه بس بتبوحي
للي ملاكي جراح
ليه ع الألم صابره
ومهيآله براح
كان لازم يعيش جواكي
ويحس كل أذاكي
متجمليش براكي
وإنتي الهموم ملياكي
قوليله أنا هويتك
وعمري ما أذيتك
وبالغالي اشتريتك
وبالرخيص بتبيع
إخترت تهجرني
وبالقسوة تعاملني
ظلمك قاسي وشنيع
روح يلا وانساني
ويلاش تعود تاني
عندي أعيش وحداني
ولا يوم بعدك هضيع
كتير عني اتخليت
وظلمت قلبي قسيت
دست بقواك خطيت
على جرحي وما سميت
معادش بينا كلام
وعندي خلاص انتهيت
تابعونا على صفحتنا على الفيس بوك
