حذر فذر
حذر فذر مش بنهذر
ولا ينفع فى كلامنا هذار
دا احنا بنشرح وح نتكلم
فى حديث الهادى المختار
فيما معناه النبى بياكد
ويوصى على حق الجار
واللى يصلى عليه وينفذ
ح ينجيه ربنا م النار
واللى ح يسمع ثم يعارض
دا اللى يعيش العمر(….)
جارك لما تحبه يحبك
وتكونوا لبعضكم اخوات
هو يساعدك وانت تساعده
وقت الشده وف الأزمات
وح يحترمك وح تحترمه
ولا ح يكون بينكم خلافات
لكن ياللى تسد ودانك
ولجارك تعمل عدوات
الشياطين راح تفرح بيكم
وتغذيكم بالصراعات
وتعيشكم عيشه تعيسه
تضرب تقلب بالخناقات
وانت ساعتها لما ح تشرد
تحرم نفسك م الحسنات
افهم منى الله يهديك
كره جيرانك مش حريه
ولا عمره ينزل من قدرك
دى وصايا وأحاديث نبويه
والدين ياابنى ربنا خلقه
من اجل حماية البشريه
اغسل مخك علشان تفهم
وعشان تبقى سليم النيه
تابعونا علي صفحة الفيس بوك
