كبدة بالمبكبكة

كبدة بالمبكبكة ..المقادير

نص كيلو كبدة تبلتها ب 5فصوص ثوم مفروم – معلقه كبيره كمون – معلقه كبيره كسبره ناشفه – ربع كوبايه خل – معلقه صغيره ملح – معلقه صغيره فلفل اسود
وتبلت بيهم الكبده ساعتين  نص كليو  مكرونة  ونضعها فى 2 لتر مياة سخنة  للسلق

الطريقة

في طاسه سخنه جداااااااااااا حطيت زيت ونزلت بالكبدة وعليها رشه ملح ورشه فلفل اسود ورشه كمون وقبل ما تستوى نزلت بالفلفل الحراق وعصره ليمون وسبتهم لحد ما قربت تستوي
الصلصه
في نفس الطاسه حطيت زيت وفصين ثوم مفرومين يتشوحوا ونزلت بمعلقه معجون طماطم و بعصير الطماطم لحد ما اتسبكت وتبلتها بالملح والفلفل الاسود والثوم البودر ورشه كمون وكسبرة ومعلقه خل ورشه سكر لحد ما استوت ونزلت عليها بالمكرونه المسلوقه والكبدة