وعلى طرف اللسان
وعلى طرف اللسان الكلام معقود..
لابيقدر يبعد خطر ولا كمان بيزُود
والكل فاكر نفسه سلطان زمانه..
وفي الامتحان بيهرب ويقول أنا موعود؟
شايف في نفسه فدان عسل..
وهوّ من غير تمن ، وسئيل قوي مفقود
عنتر هوا وطبل أجوف..
ولابيزور قرِيب أما الغريب بيعود
في الأصل عبلة ويقول أنا..
وزي الطبل أجوف ويكون كتير ممدود
وان قلت أحمد واقف هنا جنبي..
يصعب عليه صدقَك ويقول عليه محمود
وبعَظَّم الفاشل ويدوب غرام فيه..
ويقول عليه شفا وفي الجحيم مسعود
يعمل مطيع زى اسماعيل مع ابوه..
وهوّ من غير فصال زى الشطان نمرود
وللأسف مسطول وعنده عربية..
وغيره يركب حمار إسود غبي جلمود
وبياكل النار ويقول هنيالي..
وبياكل كمان برسيم زى الحمار عجرود
تابعونا علي صفحة الفيس بوك
