انت عاوز ايه..؟ . بتقول ايه؟
مين ال باع لمين؟
ومين ال اشتري من مين؟ وباع لمين؟
مين ال خان؟ ومين ال صان؟
دا ضحك السنين.. عل ال مش فاهمين
طيب بحق قوللي
حق ايه ال جي تتكلم عليه؟
بأمارة ايه؟ أيامها انت كنت فين!!؟
يا ال لسه امبارح وعمرك ف التاريخ سنتين
.حق ايه ال عوزاه عيون خاينين؟؟!
ما تروح تجيب حقها من ال دبحت
تحت رُجُوُلوهُ طيرها
ال أكل فِطيرها وقام فَاطرها
دي الحكاية ما بقتش سر
ويا ميت مليار فل بدون حسد ولا قر
وإن شالله يبقو تريليون يا طويل العمر
هو انت فاكر ان باقي ليك ولو حتى شبر
بعد ما رفهت عن البلابيل بقمصين حُمر
ودا هيرضي مين؟ .. البيض ولا السُمر
هيرضي الشهادة ولا الصبر؟
طب أقول لكم روحوا لل بعتونا
يجيبولكم حقكم من ال اكلكم
مش هما برضك ال بالي بالكم
يعني مش احنا ال واكلينكم؟
يا ال وكلنها ولعة من بدايتكم
بتلعبوا ف عداد ضميركم
عشان تكتبوا بأديكم نهايتكم
طب انت حر وانا حر
وهتجبوه ازاي؟
ال ف ليلة خيانة ضاع منكم
ياما الليالي قالت لكم مش حقكم
ياما الليالي قالت لكم مش حقكم
حتى اسألوا البحر هيقول لكم
وهيقرب شطوطه من حصيرها
بس انتوا ولا هنا بتحرقوا نخلكم
وبترموا التاريخ ورا ضهركم
ومش شايفين حد زيكم
وبتقولوا كان ايام زمان
بس انتوا فين ف الزمان
طب يمكن كان… بس وقع منكم
ضاع منكم لما بعتوا بالرخيص اصلكم
الف مرة في الف حتة اتقابلنا
الف مرة في الف حتة اتقابلنا
وقولنالكم عمرنا ما ادينا خيرنا لغيرنا
بس البنت ال بصت لغيرها
عاوزة تلبس البورينطة عشان تغير مصيرها
ال سايبة شعرها على ضهر ال اسرها
ال واخد خيرها وبيروح لغيرها
اصل ديما بيفكرها ان هو ال جاب مُديرها
وكل ما يبوص في عيونها
بافضالهُ ال محصلتش بيعايرها
ما هو محدش بيلاقي مغفل وما ينصبش عليه
بس ساعة الجد نقول
ها الحين لينا اخ كبير تعالوا ندور عليه
بنت الأصول هتفضل تدي خيرها
بنت الأصول هتفضل تدي خيرها
وكل أرض بتدي للساكنها على قد طيبة
هواها. وطهارة مطرها
وولادها هيفضلوا أبطال وشُهدا
ما هم من خير الأرض ومن عيونها
وسط ولادها
بنت الأصول ال ديما قاعدة وسط ولادها
وال بيحاموا عنها ولادها وربك ناصرها
والكلام ده ما بيعجبش الشطار
وال عاوزين يسرقوا خيرها من مواجيرها
قالوا احنا دفعنا التمن اصلهم
قالوا ايه؟ قالوا احنا دفعنا التمن
اصلهم فاكرين التمن فلوس
وإن بالفلوس هيشتروا جنة عدن
طب ازاي وهما باؤا بلعنة الزمن
عشان فاكرين ان ال اشترى بالدم.. اندفن
وبعد ما رَكعوا الجبال وخلوا الخاين مؤتمن
جايين يدورو على شبرين في الكفن
اه منك يا ال جيت اعلمك معنى كلمة قوَمية
ومعنى كلمة وطن
اول ما خونت خونتني
واول ما بعت بعتني !
حبيت اطلعك من تحت الرمل عشان تسندني
فاول ما فكرت تدفن حد فكرت تدفني
طب شكلك ايه يا كُليب قدام الزمن
وانت بتسلم خالك حسن لأعداء الوطن
َيا بايعني.
تبعونا على صفحته الفيس بوك
